C9 di Pelabuhan Muara

Permaisuri matahari? =)

Kelamarin, Canang Sambilan dipanggil untuk perform bagi memeriahkan majlis kedatangan pelancong luar di pelabuhan Muara. Tourists ani bukan datangnya pakai kapal terabang, tapi kapal laut, cruise ship lah. Yatah namanya tu di atas ah =)

So, pagi2 Ahad kemarin, sebaik saja matahari naik, kami pun jalan ke Muara. Masih sajuk tu alum lagi hangat membara ke kulit tusuknya panas atu haha. Tarus kami jalan lah ke pelabuhan Muara. Dalam 7am, barutah kami dapat masuk kedalam. Rupanya bukan sanang kan masuk ke port ani. Siap dengan bayar tol lagi macam di negara luar... iatah awal2 atu kami kana tahan, pikirtah udah kana bayarkan, rupanya alum. Runding punya runding... akhirnya kami pun masuk pasal cruise ship atu nampak dah dari jauh kan berlabuh di port ani - tapi kana warning lah mesti bayar udah balik =) Mestilah strict procedurenya kan masuk ke dalam port ani, bukan suka-suka hati ni. Yang penting negara selamat... Alhamdulillah.

Anyway, bila masuk... kami pun setup barang dengan lajunya pasal cruise ship atu 'gustan' udah kan parking haha. Tapi bila udah siap set up, masalah basar lagi ada. Power supply jauh kana taruh di dalam... Atu ya, turun kami ke bawah pentas, set up balik barang, rasakan ampirkan barang ke power supply pasal banyak barang kami electronics jua. Sapa suruh putung extension yang panjang atu jadi pendek?? Sapa tu ah =P

Ani lah gelagat kami selepas jamming. Masa jamming, jarang udah mengambil gambar pasal kami selalunya main unplugged. Mun dua jam majlis atu, dua jam tah kami main tu. Rehat pun paling batah seminit. Tapi kemarin lain sedikit, empat jam. Lagu dalam list pun abis kami mainkan. Bila abis dah lagu, lagu-lagu raya lagi kami dendangkan. Atu ya meriah... Inda meriah dimana??? haha.

Nah... apa banarnya durang buat ni? Cua teka?



Apa nah? hehe...
..........
........
......
.....
...
..
.
.
.
.
.
.
.




Astaaa... nada keraja banar. Main bubbles tepulang, basar udah hahaha. Bisdurang ani main bubbles yang boss kami bali untuk photographynya lah. Pasal jarang ada shooting puasa ani, yatah dipakainya untuk buang stress jadi kanak2 balik haha...

And our ritual sebelum balik dari tampat kami perform
~group photo~



Basar kapal atu eh!!!

Actually, kami kana offer naik ke cruise ship kemarin oleh pekerjanya ah, tapi udah kami keluar membayar tol baru kami tau dapat naik. Siasapun. Nanti bulan Oktober barangkali kami akan turun balik ke sana. Pasal ada lagi cruise ship kan turun ke Brunei. Mun ada chance naik cruise ship, naik tani semua geng2 Canang Sambilan ah? Ok? hehe... At the moment, alum ada tarikh yang kana tetapkan bila next cruise ship turun ke Brunei and apa kapalnya.

And... lastly... group photo lagi =)




Sebelum lupa... kami warga Canang Sambilan ingin mengucapkan Selamat Hari Raya Aidilfitri in advance kepada semua muslimin dan muslimat yang melawat blog kami ani ok =)

Jaga diri semua
Assalamualaikum wbt

_______________________________________________________________

Canang Sambilan

Contact:
8641674 (Azri)
8652515 (Deen)
Email: canang9@live.com